Slúður

Hérna kemur ógeðslegt slúður úr bekknum þegar fram líða stundir. Allir að kyssa alla, halda framhjá og ég veit ekki hvað og hvað.

Haft er eftir ónefndum heimildamanni að Helga Kristín Mogensen sé eitthvað að skjóta sér saman með hinum bráðmyndarlega Jóhanni Gísla, 5. R. Ekki er enn vitað hvað er hæft í þeim ásökunum og bíður fólk í ofvæni eftir opinberri yfirlýsingu frá Helgu sjálfri.

Heyrst hefur að Sigurður Kári, löggiltur sleikir, hafi smitað tugi manna af kossaflensu á síðustu árshátíð og eru það hinir fyrstu sem smitast síðan Sigurður bar hana til Íslands frá Portúgal. Skólafélagið hyggst grípa til aðgerða fari hann Sigurður í sleik við fleiri.

Ef marka má nýjustu fréttir tókst bekkjarpartýið með ágætum. Þó er sagt að Stefanía hafi gleymt GSM-símtólinu sínu heima hjá gestgjafanum, Guðmundi. Um nóttina byrjaði meintur "Jónsi" að hringja. Eftir talsvert margar tilraunir meints "Jónsa" til að ná sambandi við Stefaníu varð Guðmundi gersamlega ofboðið og slökkti einfaldlega á símanum. Í yfirlýsingu frá Guðmundi kveðst iðrast þess að hafa slökkt á símanum því að nú muni hann ekki geta lesið SMSin hennar Stefaníu.

Æsispennandi fréttir voru að koma í húsið. Gumma Palli, bekkjarráðsmaður, sást víst á hörkudeiti með Þórunni, vinkonu Hörpu og Tinnu, á sunnudagskvöld! Þau voru að vísu ekki ein heldur var annað þekkt par með í för, þau Jósep og Jónína. Eftir mikla eftirgrennslan kom í ljós að þau höfðu víst hist í besta árshátíðarfyrirpartyi í heimi þar sem neistar flugu enda við slíku að búast í fyrirpartýi hjá 6.U. Sagan segir að þau séu "að hittast"

Íris C., rauðrófa og slúðurberi, lenti á dögunum á Keflavíkurflugvelli eftir all-svakalega svaðilför til Danaveldis. Mun hún neita að hafa lent í nokkru sem tengja má við ósæmilegt athæfi og ber fyrir sig minnisleysi sökum áfengisdrykkju. Þess má geta að Íris er þjóðþekkt fyrir sífellda ölvun sína og meðfylgjandi "óhöppum"

Sögusagnir eru á kreiki um að Óskar Ingi, körfuknattleiksmaður og himnalengja, sé að gera hosur sínar grænar fyrir Mörtu nokkurri Auðunsdóttur, 5.S. Ekki er að svo stöddu vitað hversu langt á stefnumótarútínunni en hitt vitum við þó að strandargöngunni er lokið. Mun hann Óskar hafa fórnað komu sinni í enn eitt svaðalegt bekkjarpartý til þess að geta eytt smá tíma með henni Mörtu.

Orðið á götunni segir að Hrund hafi lagt fram formlega kvörtun til Durex varðandi vöntun á smokkum með kaffibragði. Ekki er vitað hvort svar hafi borist frá Durex en eitt er víst að þeir verða sko ekki koffínlausir ef þeir á annað borð verða til!

Hinrika Sandra, múgæsingakona og liðsmaður Hamas-samtakanna, sagði í viðtali við blaðamann þann 2. janúar s.l. þegar spurð um kaffihúsið Café Viktor: "ég fór einmitt á kaffi date á kaffi viktor fyrir 2 vikum það var voða kósý :D". Þegar innt eftir nafni á hinum heppna lét hún hafa eftir sér að "það fylgdi ekki sögunni". Slúðurdálkur 6-U bekkjarbloggsins heitir einkadans frá Guðmundi Páli Líndal, kyntrölli, í bekkjarferðinni n.k. helgi hverjum þeim sem lætur í té upplýsingar sem leiða til nafngreiningar "kaffi-date herrans".
uppfærsla:Upplýsingar þess efnis um að téður herra beri gælunafnið "Gutti" hafa borist slúðurdálknum

Laugardaginn 21. janúar átti Hildigunnur Úlfsdóttir, englabarn-sem-ekkert-slúður-er-til-um, afmæli og hélt það í heimahúsi. Munu þar margir skandalar hafa orðið en ber þó einna hæst hinar dúndrandi standpínur sem Gunnar Hólmsteinn og Guðmundur Páll voru með. Reyndu þeir ítrekað að draga lukkudýr bekkjarins, Renötu, Ingunni, Guðnýju Hjalta og Steffí inn í lokað rými og hafa mök við þær og slasaðist ein þeirra verulega á enni. Ekki er vitað að svo stöddu hvort það hafi tekist en hinsvegar er vitað að kumpánarnir enduðu saman í skottinu í bílnum hennar Steffí. Ekki ber saman sögum um hvað gerðist þar.
Seinna um kvöldið reyndi Renata að myrða Gunnar með bílhurð og var færð til yfirheyrslu á lögreglustöðinni. Var Gunnar nokkuð vankaður eftir höggið en lét það ekki stöðva sig og djammaði af sér rassgatið þá nóttina.

Gunnar Hólmsteinn, Inspector, virðist ekki við eina fjölina felldur í kvennamálum. Sást hann á göngum skólans ræða við Þyrí Kap, dönskukennara Menntaskólans í Reykjavík. Aðspurður kvaðst hann hafa verið að ræða við hana um "þeirra síðasta fund" en þvertók fyrir nokkuð kynferðislegt

Stefanía Scheving, óskabarn 6.U, er þessa dagana í ströngum æfingum til þess að verða næsta Ungrú Reykjavík. Slúðurdálkurinn vill óska Stefaníu velfarnaðar í komandi keppni.

Stefanía er ekki sú eina sem komið hefur nálægt fegurðarsamkeppnum í bekknum en nýlega barst blaðamanni til eyrna að Anna Veronika Cortes, frjálsíþróttakona, hafi verið í tygjum við Herra Ísland sem á dögunum var sviptur titlinum vegna ósæmilegs athæfis. Ekki er að svo stöddu vitað hvar mál standa en í viðtali kvaðst Anna vilja vera "látin í fokking friði".

Sést hefur til Óskars og Renötu undanfarið vera að skjóta saman nefjum. Herma heimildir Slúðurdálksins að neistar hafi flogið í ferðinni upp á Snæfellsnes. Þau hafa sést saman nokkrum sinnum fyrir utan það en blaðamannafulltrúi Renötu segir ekkert vera í gangi. Vinkona Renötu lét hafa eftir sér að þau hefðu farið "nokkrum sinnum í sund" og "skipst á munnvatni á Sólon".

Jósep Birgir Júdósson fór á dögunum í júdókeppnisferð til framandi landa fyrir hönd Íslands. Hann sneri til baka bugaður maður og kvaðst hafa verið "flengdur rækilega" af heimsmeistaranum.

Nokkrar tilkynningar

Slúður